//識體面嘅女仔果然唔同，相處融洽令你覺得好舒服，但同時又無形中有份隔膜感。而且對方越有氣質，越覺得自己都要有返咁上下先襯得起對方。當我知道自己個咀角不斷咁甩皮，其實心裏面好不安。而不幸地，Demi係看在眼內...//
《EP05 - 很不安怎去優雅》
貴氣嘅事業型女士，總係優雅帶點氣質。勢估唔到，我會喺淡水呢度遇到。
從Demi遠遠修長嘅身影，加上隆重嘅裝束，再低頭望下自己一對水貨阿迪達斯，嗰份幼稚感出晒黎。
如果要用香港一個地區比喻Demi，一定係中環。溫文爾雅嘅談吐加上對你講嘅野都表示好奇嘅眼神，自信心都以幾何級數倍增。
出發黎台灣前已經同導演講過，一直都好希望可以揸住電單車，然後有個女仔從後攬住自己。我知，係太ff兼老土咗啲。不過導演buy呀，最後咪又係成功。但原來呢件事無想像中咁浪漫，因為又要平衡又要顧住後面嘅Demi，壓力都唔細。揸得衰又好掃興 ，好彩好快上手，連Demi都讚好。
享受完淡水浪漫嘅日落，入黑之後梗係試下地道嘅掃街。另一個ff就梗係想同女仔你餵我一啖我餵你一啖啦。估唔到Demi又完全無抗拒，反而係我驚會整跌啲野食落去佢身上面。
識體面嘅女仔果然唔同，相處融洽令你覺得好舒服，但同時又無形中有份隔膜感。而且對方越有氣質，越覺得自己都要有返咁上下先襯得起對方。當我知道自己個咀角不斷咁甩皮，其實心裏面好不安。而不幸地，Demi係看在眼內...
呢家諗返，其實唔應該係我揸電動車比女仔攬住，而係佢揸電動車然後我從後攬住佢....真失敗。
Demi參數
攻擊力：****
防禦力：**
續航力：***
親和力：***
摩擦力：***
［待續］
====================================
ViuTV
波盛
+886MM 逢星期五晚 免費電視99台 ViuTV
重溫：http://viu.tv/encore/886-mm
#viutv #886MM #波盛 #Demi #要post全身照 #突顯對阿迪達斯 #美女與野獸 #又要威又要戴頭盔
Search